პოტეგონი არის მაღალეფექტური სისტემურ-კონტაქტური ინსექტიციდი მოქმედების ფართო სპექტრით. მოქმედი ნივთიერება - აცეტამიპრიდი ხასიათდება ტრანსლამინარული მოქმედებით, რის გამოც ის შეიწოვება მცენარის მიერ და ვრცელდება ყველა ნაწილზე. პრეპარატის გამოყენების ეფექტი ვლინდება მცენარის დაუმუშავებელ ნაწილებზეც. მავნებლები იღუპებიან წამალთან უშუალო კონტაქტის, ასევე დამუშავებული მცენარეებით კვების დროს. პოტეგონის ინსექტიციდური მოქმედება ვლინდება მისი ზემოქმედებით მწერების ნერვულ სისტემაზე, გადაჭარბებული ნერვული აგზნება იწვევს მავნებლის დამბლას, შედეგად ის საბოლოოდ იღუპება. მწერების სახეობიდან გამომდინარე, პრეპარატს აქვს ტოქსიკური მოქმედება მავნებლების განვითარების სხვადასხვა სტადიაზე: კვერცხებზე, ლარვებზე და ზრდასრულ მავნებლებზე.